I hocke da u guge i d Witti,
was si o das für Zitti.
Miner Gedanke mache sig ufe Wäg,
jede muesne überquere, dr holprig Stäg.
Es Gfüehl, als würd alls plötzlech blibe
stah, u glich darf üs dr Muet net verlah.
Es mues vilech genau mal so sii,
aber hoffe, es sig bald verbii.
E Usnahmesituation für üs aller,
de Virus nimmt üs ganz schö i Pranger.
Jede Mönsch macht sig siner Gedanke,
mache mir so vil faltsch, das üsi Wält so duet wanke?
I d Natur u i d Bärge dörfe mir gah,
ifach net i Schare zämästah.
Dr Früehlig u d Blüemli düe erwache,
e grossi Früd ha äbe genau a so Sache.
Am Schnee zueguge, wi ner duet schmelze,
ja, ir frische Luft, da gits kiner Grenze.
I hoffe, dass mine Liebschtä nüt würd passiere,
so schlimm, weme öpper müessti verliere.
I gibe Zueversicht u ds Vertrue i ne anderi Macht.
Si bhüetet üs u git allne Chraft.
Ds Wichtigste: fürenand da si u zämä ha,
d Hoffnig, dass mir das alli guet überstah.

CLAUDIA STEINER, FRUTIGEN